2012年国庆八日西安之旅

dudu

10月1日，下午两点40分，陈导一声“出发啦”，我地踏上征途。我地6个人包左成卡车厢，虽然话6条友，其实有两只猪，好少露面，长期驻扎顶层，偶然诈诈尸，递递垃圾，露露只脚。 剩下4个，好似好认真甘罗左一堆资料出黎，话研究西安行程。其实出发前已经研究左一段时间了，结果跟左个两日团；上车之后又讨论左一轮，然后跟左个西安一日游 。。。 最后领导问左句“请问甘样跟西安团同直接广州跟团有咩区别？” 甘又系既，总共就8日游，火车都4日了，跟团又3日，自助跟团，名副其实自助游。决定跟团之后，我地就好安乐甘加入食完就训，训醒又食既行列 。不过其实黎421文豪华火车团抵到烂嘎，历时27小时，仲有五星级享受：台湾高山茶，水果自助餐，罗汉果凉茶，自制牛肉干，余庆节目同夜半倾谈节目，由于节目时间过长，引致其他乘客既反感 。。。

10月2日下午5点，我地终于到西安了，住入左西安独有既胶囊公寓。黎度好适合单身游既朋友 ,六十几文个床位，够晒干净整洁，而且设备齐全。不过就5适合成班人既，例如我地甘，5止嘈乱巴闭，影响人地 ，仲要日日都早出晚归，影响阿姨睡眠质量 。。。所以阿姨送走我地果日，我地终于见到距发自内心甘笑出黎 ，拉拉声锁门 。果晚我地行左回民街，试左坑爹的一分利羊肉泡馍、性价比5错既红红酸菜炒米、老白家。。。我不是吃货，不过一路上研究吃的比路线还多。。。。

10月3日5点半出发到陕北黄土高原。西安既跟团服务真系5错，居然有车包接送，仲赐予我地行动代号“丫丫幼儿园”。上午我地跟住小熊猫班长共赴黄陵，见识到牛龟甘大只既鹅卵石，天圆地方既黄陵

地下停车场甘气派既厕所。。。西安果然大气！！
下午迎战壶口瀑布。华哥极力推荐既中国第一瀑布果然名不虚传，400米宽既河汇聚到30米宽既出口，甘既气势难以形容。可惜时间太短，人太多，阿兰最后总结一句：黄河水你真黄。。。至于大禹治水，又系一个坑爹既景点。。。

晚上住宿黄河边既黄河宾馆，规模就好似大学宿舍甘豪气，内部设施相当简陋，但系系我训得最好又最早既一晚。搞到第二日5点就起身，咩都搞掂晒，出门先见到外面乌灯黑火，另外两位团友仲未醒添。。。
10月4日到延安，景点就睇左好多，不过黎D革命根据地我都无咩印象。翻西安终于遇到塞车了，塞成个钟果然系可以系高速路上打球既。而且塞到大家无晒理智，只要前面有个傻佬向后跑，后面就会变成一班傻佬一起跑。我地仲撞到个深圳自驾游既，1号先出发去延安，4号就返去了，好想问句“甘塞法，你地玩左咩阿？”
10月5日，6点半出发，兜到八点先上到大巴，仲要遇到黑团，坐地起价，果断闪人，600文包车去法门寺，偶遇酷似“孟非”既司机，无论气度同言谈都与众不同，值得推荐。法门寺占地广宽，庄严大气，配合蓝天白云，比人好宁静既感觉。

晚上去左樊记肉夹馍，贾三灌汤包，德发祥饺子宴，发觉还是小铺子地道，那些门面做大了的，已经不以出品为宗旨了。夜妈妈我地凭记忆，想稳返条清吧街，兜黎兜去，又比人点黎点去，都系荡失左。。。不过最搞笑系四条友，有男有女，十一点几，行系条街度，居然甘惊，望到咩人都觉得贼眉贼眼，最后都系打的，原来一条直路一转弯就系了。。。值得一提既系我们晚上住的友巢国际公寓，地铁上盖，一个套间自带厨房，装修仲好精致添，先200文者，抵到烂。。。
10月6日，兵分三路。有D西安闲逛，下午直接飞机走；有D去左秦始皇兵马俑；有D去陕西博物馆同闲逛。不过最重要系大家都买左万众期待既秦亲宝贝。晚上去左海底捞。。。黎度既服务真系一流，关心备至，体贴入微，仲有人亲自表演拉面，人均9文既配料各具特色，任君选择，排几个钟队都值得一等既。

10月7日，八点半，又再次坐豪华团回广。我地仲期待紧下铺系咩人既时候，出现左两个老人家带两个小朋友，仲系手机都未识用甘纯朴既老人家。。。大家摇晒头话黎次真系湿滞啦。果然又系一个不眠夜，你方唱罢，我方登台。2岁小朋友吵完，4个月大bb女开始喊，两个都停了，轮到阿爷打呼噜，仲要系24小时巡回演出。陈导一句“我知错了”，当初我地对5住西安人民，家阵人地派返D极品黎招呼我地。。。
10月8日中午，我地终于返到了，结束西安之旅，完美谢幕。。